إعفاف للزواج والإصلاح الأسري

القسم : الأسرة-معاملة الوالدين
العنوان : هلى علي اثم في هذا الفعل
عدد القراء : 2537

الإستشارة :بسم الله الرحمن الرحيم ... السلام عليكم ورحمة الله وبركاته انا انسانه وحيده جداً عندي مشاكل كثيره مع نفسي بعض الأحيان اتمنى يكون عندي احد اشتكي له بس مافي ماعندي احد في البيت مافي اي حميميه كل واحد عايش لوحده تعودنا على هالشي من كنا صغار ماقدر اشتكي لأمي او ابوي كلهم لاهين وانا اكبر وحده بأخواني الباقين كلهم اصغر مني يعني مقدر اكلمهم عن مشاكلي انا احس بعزله وحده مو طبيعيه واذا ضاقت فيني الدنيا مره أخذ سجادتي وأصلي وأشتكي لربي اتخيله قدامي واكلمه بصوت مسموع مو دعاء اشتكي له من كل شي اقول كل الي بخاطري الي ابي أسأل عنه اني انا اخاف يكون علي ذنب لأني أعرف انه في شي اسمه ادب الحديث مع الله واخاف اني اذا اشتكيت له وتكلمت بكل اريحيه اكون تجاوزت هذا الشي وعلي ذنب (لأني بكل صراحه استغفر الله اذا كان علي ذنب من هالكلمه احس اني اكلم احد قريب مني ولله المثل الأعلى مثل صاحبتي او اي اح قريب مني) اتمنى تردون علي لأني ماعندي احد اشتكي له غير ربي مافي احد حاس فيني ويسمعني في اي وقت غيره سبحانه قولولي هل علي ذنب ولا لا؟

الجواب:
أختي الكريمة، كونك تشتكين من ضعف التواصل مع الآخرين يحتاج منك إلى وقفة صادقة مع نفسك. بعرض نفسك على طبيبة نفسية لبحث الحالة التي تمرين بها ، هذا أولا... . ثانيا: حديثك مع الله بكل ما يجري لك من أحداث يحتاج إلى وقفة؟ فهل يغفل الله عن كل ما يحدث لك؟ وهل ما تقولينه هو دعاء أو هو نوع من التنفيس لأنك لا تجدين من يكلمك؟ أعود وأذكرك بأن الله يعلم خائنة العين وما تخفي الصدور. والدعاء هو مخ العبادة فأكثري من الدعاء وعليك بجوامع الكلم. ثم اذكري حاجتك واعلمي أن الله يجيب دعوة المضطرين.

أضيفت في: 2010-10-29

المستشار / الشيخ: د/ ابراهيم

أضيفت بواسطة : الدكتور ابراهيم اقصم